Өскемен мен ШҚО Зырянда мердігерлер бес қабатты тұрғын үй құрылысын уақытында аяқтамаған
Зырянда тұрғын үй кезегіндегі тұрғындар саны мыңнан асты. Ал жаңа 60 пәтерлі үй көпбалалы отбасылар, жетімдер, мүгедектер мен жас мамандарға берілуі тиіс
Мердігерлер 5 қабатты 60 пәтерлі үйдің құрылысына бірден кіріскен.
Алдын ала жылу желілері тартылып, болашақ биік ғимарат үшін шұңқырлар қазылған. "Нарын-Сервис" компаниясы көктемде жұмыс кестесін сәтті орындағанымен, құрылысшылар ғимаратты уақытында өткізбей отыр. Нысан келісімшарт бойынша 31 тамызда пайдалануға берілуі тиіс еді. Бірақ осы уақытқа дейін тек негізгі жұмыстар ғана аяқталған.
- Кесте бойынша аз ғана артта қалушылық байқалады. Біз әр кешіктірілген күн үшін айыппұлды өтеу туралы іс бойынша сотқа жүгіндік, - деп түсіндірді Зырян ауданының сәулет және қала құрылысы бөлімінің басшысы Ерлан Маматаев. - Нысанның ішкі жағын жөндеу және сантехникалық жабдықтарды орнату қалды. Сондай-ақ, барлық кіреберістерге терезе орнатылмаған. Мердігер жұмыстарды жеделдетіп, учаскедегі адамдардың санын көбейтеді.
Нысанда күнделікті 60 адам жұмыс істейді. Аудан әкімі Нұржан Тоқсейітов жұмысшылардың санын екі есеге көбейтуді және жылыту маусымына дейін құрылысты аяқтауды тапсырды. Зырянға қыс ерте түсетіндіктен мердігерлерге үйді қыркүйек айының соңына дейін өткізуді тапсырды.
