Өскемен мен ШҚО ШҚО-да сібір жарасының себебі анықталды
Катонқарағай ауданындағы қауіпті аурудың тамыры малдар жерленген орыннан тараған
Көмілген сібір жарасының ошағы аса қауіпті ауруды жұқтырған 47 жастағы ер адам тұратын Кішінарын ауылынан бес шақырым қашықтықта орналасқан.
1972 жылы көмілген қорым су тасқынынан кейін ашылып, қайта белсенді болуы мүмкін.
- Бүгінгі таңда жерасты суларын және көмілген орынды дезинфекциялау жұмыстары жүргізілуде, - деді брифингте облыс әкімі Даниал Ахметов. - Сонымен қатар, малдардың вакцинациясы жалғасуда.
Шара бес ауылдық округте жүзеге асырылуда. Қазірдің өзінде төрт мыңға жуық малға екпе жасалды. Жұмыстар 26 қыркүйекке дейін жалғасады.
- 21 қыркүйекте Солоново ауылдық округінде тағы бір жарым жасар бұқаның ауыру фактісі тіркелді, - деп атап өтті Даниал Кенжетайұлы. - Талдау үшін жануардың патологиялық материалы, сондай-ақ топырақтан алынған үлгілер таңдалды.
Аймақ басшысы Катонқарағай ауданындағы карантиннің 15 күнге жалғасатынын айтты. Осы уақытқа дейін аймақта күшейтілген бақылау енгізілді: "қауіпті аймақтағы" жануарлар мен олардың өнімдерін экспорттауға және импорттауға тыйым салынады. Ветеринар дәрігерлер күн сайын малды тексеріп, қажетті рәсімдерді жүргізуде.
