Өскемен мен ШҚО Шетелге шығарда балаларға жеке құжат рәсімдеу керек
Жаңа ереже 2019 жылдың 1 қаңтарынан бастап күшіне енеді және ҚР шекарасынан шығушылардың барлығына қатысты болады
ҚР ІІМ баспасөз қызметі мәлімдегендей, жаңашылдыққа себеп - террорлық пен экстремизмнің артуы. Сол үшін көптеген елдер шекарадан асу талаптарын күшейткен.
- Көптеген елдерде шекарадан өту үшін 16 жасқа толмаған балаларда Қазақстан азаматы екенін растайтын паспорттың болуын талап ету үрдісі белең алған. Сондықтан ҚР ІІМ "Жеке басты куәландыратын" Заңға түзетулер енгізеді, - деп мәлімдеді мекеме.
Осыған орай, баласын шетелге алып шығатын ата-аналар 16 жасқа толмаған балаға жеке құжаттар рәсімдеуі керек. Түзетулер 2019 жылдың 1 қаңтарынан бастап күшіне енеді.
Ескере кеткен жөн, қазіргі таңда ата-аналар балаларын шет елге алып шығу кезінде баланың фотосын өз құжаттарына жабыстырады.