Өскемен мен ШҚО Шығысқазақстандықтар жеке тұрғын үй үшін несие алуға асығар емес
Билік инженерлік инфрақұрылым дамытып, құрылыс салған аймаққа шамамен 3 миллиард теңге жұмсаған
Аймақ халқының несие алуға құлықсыз болуының себебі – несиені төлей алмайтын дәрменсіздігінде.
Дегенмен, мемлекеттік бағдарламамен ШҚО-дағы 29 мыңнан астам тұрғын құрылыс үшін жер алуға кезекте тұр.
- Біз барлық қалалар мен аудандарда жеке тұрғын үй инфрақұрылымын дамыту үшін 3 миллиард теңге жұмсадық. Енді ешкімнің төлем қабілеті жоқ, - деп ШҚО әкімі Даниал Ахметов әкімдік отырысы барысында наразылық білдірді. - Өткен жылы Өскемендегі 28-ші ауданында 609 миллионға үй салмақ болдық, бірақ әлі күнге дейін тендер де өткізілген жоқ. Төлемге қабілетті адамдар да табылған жоқ. Енді бұл қаражатты Семейдегі "Ақсай" шағын ауданына аударыңыздар. Ол жердегі 50 үйде электр желісі және су тартылған.
Сонымен қатар, аймақ басшысы Шығыс Қазақстан облысының қалалары мен аудандарында жеке тұрғын үй құрылысында кезекте тұрған халықтың қаржылық және төлем қабілетіне терең талдау жүргізуді, сондай-ақ тек қабілетті адамдар тобына ғана несие беруді және инфрақұрылым салуды тапсырды.
ШҚО әкімінің айтуынша, жағдай жақсармаса, билік тек халық арасында сұранысқа ие көппәтерлі үйлер салмақ.
