Әуенді субұрқақ тағы істемей қалды

Бұл нысан биыл екінші рет жөндеуден өтіп отыр. Көктемде су өткізетін құбырлар жөнделсе, енді сынған тақтайшалар қалпына келтіріліп, субұрқақты әрлендіру жұмыстары жүргізілуде.

Субұрқақты айнала қоршалған мәрмәр тақтайшалардың тозығы жеткен. Бұл туралы бұған дейін де айтылып келген.

- Жөндеу жұмыстарын "Козарев" ЖК мердігер ұйымы жүргізуде, - деп түсіндірді Өскемен-Тәртіп мекемесінің баспасөз қызметі. - Субұрқақтың сыртқы және ішкі қаптамалары қалыпқа келтіріледі. Жер мен тақтайшалар арасында бос қуыс бар болатын, ол қуыс толтырылады да, алдағы уақытта бұзылмайды.

Жұмыстар апта соңына дейін аяқталады деп күтілуде.