ШҚО туристері көмілген адам сүйектерін тауып алды

- Біз былтыр да Қиын Керіш каньонына келген болатынбыз. Бұл жерден көмілген археологиялық деректерді тауып аламыз деген ойымызға да келмепті. Адам сүйектері жерленген жерді суретке түсіріп алдық, - дейді рафт-турды ұйымдастырушы Артем Кржижановский.

Артемнің сөзіне қарағанда, қалаға орала салысымен суреттерді өлкетану мұражайының мамандарына әкеп көрсеткен. Археологиялық қазба жатқан жердің координатасын да беріп кеткен.

- Археолог мамандарды апарып көрсетуге қарсы емеспін. Алайда археологтар бұған мойын бұрмай отыр. Оларды қызықтыратын дүние емес-ау деймін, - дейді Артем.

Бұл жер туралы аңыздар да көп деседі. Кейбір болжамдарға қарағанда, адам сүйектері табылған орын бұрындары адамдарды құрбандыққа шалатын жер болған көрінеді.