Өскемен қаласының әкімі қала мектептерінің салтанатты жиынында болды

1 қыркүйекте Өскемен қаласының әкімі оқушыларды, олардың ата-аналарын және мұғалімдерді құттықтау үшін №15 орта мектепке барып қайтты. 

- Осы оқу жылында біз одан да көп балаларды мектебімізге қабылдадық, - деп атап өтті № 15 мектептің директоры Анаргүл Бектургенева. - Біздің мектепте бірінші сынып оқушыларының өзін сегіз сыныпқа, ал мектепке дейінгі дайындық сыныптарын жеті сыныпқа бөлдік. Барлық оқушыларды  көргеніме қуаныштымыз!

Сонымен қатар қала әкімі Жақсылық Омар да құттықтау сөз сөйледі.

- Өскемен қаласының басшылығының атынан барлық оқушыларға үлкен жетістік тілеймін және сіздер, оқушылар ерекше мектепте оқып жатқандарыңызды атап өткім келеді, - деді Жақсылық Мұқашұлы.

Сондай-ақ, облыс орталығының басшысы 15-мектепте инклюзивті білім беру белсенді дамып келе жатқанын атап өтті. Бұл білім ордасында "Ақ ниет"  ерекше балаларға арналған мектеп-интернатының 46 оқушысы бар.

Сонымен қатар мектеп оқушыларын қала мәслихатының депутаты, меценат Сергей Коротин де құттықтап қайтты.

- Бүгін көптен күткен Білім күні келді, - деді Сергей Викторович балаларға. - Енді сіздер, білімдеріңізді мектеп қабырғасында әрі қарай дамыта аласыздар. Ең бастысы - дендеріңіз сау, бақытты және табысты болыңыздар! - деді Сергей Коротин.