Өскемен мен ШҚО Облыс әкімі шығысқазақстандықтарды білім күнімен құттықтады
Облыс әкімі Даниал Ахметов барша шығысқазақстандықтарды Білім күнімен шын жүректен құттықтады
Бүгін Шығыс Қазақстандағы 657 мектеп 183 мың оқушыға өз есігін қайта ашты. 21 мың бүлдіршін мектеп табылдырығын аттады.
- Бұл мыңдаған отбасылар үшін керемет күн! Бұл - білім, даналық, қайырымдылық, болашаққа деген сенім мерекесі. Жаңа оқу жылы жаңа жаңалықтар мен жетістіктерге толы болсын! - деді облыс әкімі.
Аймақ басшысының айтуынша, қазіргі уақытта бәсекеге қабілетті болу үшін білімнің іргетасы мықты болуы маңызды.
- "Рухани жаңғыру" бағдарламасы аясындағы "Менің мектебім" бірегей жобасы 277 мектепті кәсіпорындар мен кәсіпкерлер физика, химия, биология және робототехника кабинеттерімен жабдықтады. Ол кабинеттер Назарбаев Зияткерлік мектептеріндегідей құралдармен жабдықталып, 277 IT-сыныптары ашылды, - дейді Даниал Ахметов.