Өскемен мен ШҚО Аяғы ауыр әйел ауруханаға тікұшақпен жеткізілді
Зайсан ауданы тұрғынының жағдайы нашарлап, оны Өскемен қаласында тікұшақпен жеткізуге тура келген
Теректі ауылында тұратын екіқабат әйелдің жағдайы аяқ астынан нашарлап кеткен. Бұл күні күн де тұман, бұлыңғыр болғандықтан, тікұшақтың да тура ауылға тартуға мүмкіндігі болмаған. Сондықтан жедел жәрдем қызметкерлері ауылға көлікпен барып, оны Күршім ауданына жеткізген.
ШҚО ТЖД мәліметтеріне сүйенсек, "Қазавиақұтқару" АҚ тікұшағы әйелді аталған аудан орталығынан алып кеткен.
- Күршім ауданынан қайтпақ болған тікұшаққа үлгерген аяғы ауыр әйел Өскемен қаласына әуе жолы арқылы жеткізілді, - дейді мекеме.
Ал тікұшақ экипаж мүшелерінің айтуынша, мұндай жағдай бірінші рет болып отырған жоқ. Науқас жандарды шұғыл жеткізу керек жағдайлар жиі болады: аяғы ауыр әйелді босандырған, жарақат алған науқастарды жеткізген, арқасы мен омыртқасы сынған жандарды апарған сәттер көп болған.
