Өскемен мен ШҚО ШҚО-да бала саудасына қатысты тергеу жүруде
Семей қаласының тумасы Айдос Мұсабеков 28 жыл бұрын оның егіз бауырын басқа отбасына сатып жіберуі мүмкін дегенді айтады
Өз оқиғасымен жас жігіт Instagram әлеуметтік желісіндегі парақшасында бөліскен. Оның айтуынша, оның егізі босану барысында шетінеп кеткен-мыс.
Бірақ дәрігерлер анаға баласының денесін де, шетінеп кеткендігі туралы құжаттарды да бермеген.
- Мен екінші ұлымның тірі екенін сеземін, - дейдң егіздердің анасы. - Белгілі бір себептерге байланысты ұлымызды бұрын іздеуге мүмкіндігіміз болмады. Қазір баламды табуға бел будық.
Ана осы мәселемен ШҚО прокуратурасына да жүгінген. Мекеменің мәліметтеріне сүйенсек, осы факті бойынша ҚР ҚК 128-бабы 2-бөлімі бойынша сотқа дейінгі тергеу жүргізілуде.
Бұған дейін Денсаулық сақтау басқармасы егіздер дүниеге келген Семей қаласындағы №2 перзентхана қазір жоқ екенін хабарлаған. Ал 28 жыл бұрын жұмыс істеген акушерлердің барлығы зейнеткерлік демалысқа шығып кеткен. Ал бала туылуы және оның дамуы туралы жазбалар тек 25 жыл сақталады.
