Өскемен мен ШҚО Семейде бозбала суға батып кетті
Жас жігіт достарымен бірге Ертіс өзеніне шомылуға барған. Жағадан ұзап жүзіп кетіп, судан шыға алмай қалған
Оқиға кеше кешке орын алған, деп хабарлайды Устинка LIVE тілшісі.
Колледж студенттері жабдықталмаған жағажайдың жағасында демалып жүрген. 2000 жылы туылған жігіт тым алысқа жүзіп кетіп, өмірімен қоштасты. Достары бірден құтқарушыларды шақырса да, жас жігітті құтқарып қала алмады.
- Құтқарушылардың 7-ші бөлімшесі 20 минуттан кейін жігіттің мәйітін тапты және оны жағаға алып шықты, - деп хабарлады Шығыс Қазақстан облысы Төтенше жағдайлар департаменті. - Бозбаланың денесін су астындағы үш метр тереңдікте, жағадан 12 метр қашықтықтан тапты.