ШҚО-да тарих пен археологиядан IT-мамандар дайындалады
Қазақстанда алғаш болып Шығыс өңірінде IT-тарихшы, IT-археолог сынды мамандар дайындала бастамақ
Биыл Сәрсен Аманжолов атындағы ШҚМУ екі мамандық ашуды көздеп отыр: олар – "Цифрлы гуманитаристика" және "Компьютерлі мехатроника". Қазіргі таңда Ресейдің үш жоғары оқу орнында оқытылатын бұл мамандықтар Қазақстанда биыл алғаш ашылғалы отыр.
- "Рухани жаңғыру" мен "Цифрлы Қазақстан" бағдарламалары аясында енді біздің университетімізде "Цифрлы гуманитаристика" оқу бағдарламасына сай мамандар дайындалады. Бағдарламаны ҚР Білім және ғылыми министрлігі мақұлдады. Биыл 10 грант бөлінді. IT-тарихшы, IT-археолог, IT-кітапханашы сынды мамандықтар дайындалып шығады, - дейді ШҚО С.Аманжолов атындағы ШҚМУ-дың Қазақстан тарихы кафедрасының меңгерушісі, т.ғ.к. Жанна Әубәкірова.