Өскемен мен ШҚО Баланы ұзақ уақыт демалыстан кейін мектепке қалай дайындау керек?
Жазғы демалыстың аяқталар уақытына біраз ғана қалды. Алда қарбалас жұмыс күндері мен жаңа оқу жылы келе жатыр
Балаға демалыстан кейін мектепке оралу оңай емес. Оған бейімделу қажет. Ол жайында балалар психологы Инна Казакованың айтары бар.
- Әдетте, жазғы демалыста күн режімі бұзылады, - дейді психолог. - Балалар кеш жатып, түске дейін ұйықтайды. Күн батқанға дейін немесе ата-анасы үйге жетектеп кіргізбейінше аулада ойнайды. Олар бұл кездедұрыс тамақтанбайды. Жазда бала кез келген қалаған нәрсесін жеп кете берсе, мектепте таңғы асқа немесе түскі асқа арнайы тағамдар беріліп, кестеге сәйкес қатаң түрде жүреді.
Маманның пікірінше, егер бұл режім балалар демалысының басынан басынан аяғына дейін созылса, балаға мектепке оралу өте қиын болады. Егер бала 3 ай бойы сағат 10-да ұйқысынан оянып жүрсе, оған күнделікті таңертең 7-де тұру әлбетте қиынға соғады. Бұл зерделеп оқуға мүмкіндік бермейтін стресс. Ең дұрысы, демалыс күндері балалар кестесіндегі өзгерістерге жол берілмесе жақсы болар еді.
