Өскемен мен ШҚО Өскеменде өртеніп кету қаупі бар үйлер тексерілді
Өрт сөндірушілер нашар тұратын отбасылардың үйі көп өртенетінін айтады
Тәртіп сақшылары мен "Жас Отан" еріктілері және "Нұрсалауат" Денсаулық сақтау орталығының жастары, өрт сөндірушілер өртену қауіпі бар үйлерді тексеріп, түсіндіру жұмыстарын жасады
Әрине, комиссия мүшелерін тұрғындар "жылы" қарсы ала қоймады. Олардың кейбірі үйінде жатып ішімдік ішіп отырса, енді бірі ішімдік ішкенді қойғанын айтып ант су ішумен болды. Ал үшінші біреуі мүлдем есік ашудан қашты.
Балаларын үйге қамап кеткен тұрғындар да табылды.
- Бұл өте қауіпті. Үйде түтін шығып, қамалып қалған балалар мен басқа да адамдар тұншығып қалуы мүмкін, - дейді Өскемен қалалық ТЖБ баспасөз қызметі.
Құтқарушылар түсіндіру жұмыстарынан кейін өз өмірлеріне сақ болар деген үмітте.