Өскемен мен ШҚО Өскеменде дәмхана өртеніп кете жаздады
Оқыс оқиға кеше кешкі уақытта Мирный кентіндегі Восточная көшесінде орналасқан дәмханалардың бірінде шыққан
Өрт кеше 19.00 шамасында дәмхананың екінші қабатында орын алды.
- Ғимараттың шатыры жанды. Өрт ауданы 400 шаршы метр, - деп хабарлайды Өскемен қалалық ТЖБ баспасөз қзыметі. - Оқиға орнына алты өрт сөндіру көлігі жетті. Құтқарушылар тілсіз жаумен бір сағаттай уақыт күресті. 19.52-де жалын ауыздықталып, 21.02-де толықтай жоайылды.
Оқиғадан зардап шеккендер мен қаза тапқандар жоқ.
