Өскемен мен ШҚО Өз досына пышақ жұмсаған
Өскемен қаласында екі дос бірге ішімдік ішіп отырып, жанжалдасып қалған
№2 Өскемен қалалық соты анықтағандай, достар арасында кикілжің орын алған. Ашуына ерік берген азамат досының кеудесіне екі рет пышақ сұғып алған.
Зардап шеккен азамат дереу ауруханаға жеткізілді. Абырой болғанда, дәрігерлер науқастың өміріне араша түсті.
Ал досын жарақаттаған азамат қасақана әрекеті үшін және адам денсаулығына зиян келтіргені үшін үш жылға бас бостандығынан айырылды. Одан өзге, жылына 40 сағат еңбек жұмысына тартылды. Осы орайда, сот жазаны жеңілдететін жағдайды да ескерді: өз кінәсін мойындауы, бұрын істі болмауы мен тергеу жұмыстарына көмек көрсетуі.
№2 Өскемен қалалық сотының ақпараттарына сүйенсек, жазасын өтеушіден 48 мың теңге өнідіріліп, Зардап шеккендер қорына аударылды. Қаулы заңды күшіне енген жоқ.
