Ертеңнен бастап Қазақстанда тіркелмеген телеарналар өшіріледі

Былтыр Қазақстанда "Телерадиотарату" заңы жасалып, 2018 жылдың 9 қаңтарынан бастап күшіне енген болатын. Заңның 42-бабында Қазақстанда трансляция жасайтын телеарналардың алты айдың ішінде тіркелу керектігі айтылған.

Бүгінгі таңда Қазақстан Республикасының Ақпарат және коммуникациялар министрлігінде 307 шетелдік теле және радиоарналар тіркелген, олардың 219-ы өз өкілдіктерін ашты, ал 88-і ашпаған.

2018 жылдың басынан бастап Министрлік өз өкілдіктерін ашпаған, шетелдік теле және радиоарналардың иелерімен өз қызметін Қазақстан заңнамасы талаптарына сәйкестендіру қажеттілігі туралы ақпараттық-түсіндіру жұмыстарын жүргізген болатын.