ШҚО-да жеті бала суға батты

Қайғылы жағдайлардың алдын алу үшін ШҚО ТЖД қызметкерлері Сібе көлдерінің жағалауында рейд жүргізіп, демалушыларға судағы қауіпсіздік ережелерін түсіндірді.

Құтқарушылар сенбі күні екінші және үшінші көл жағалауларында да болып қайтты.

- Құтқарушылар ең алдымен ата-аналарға баса назар аударды. Өйткені жыл басынан бері ШҚО-да жеті бала суға кеткен, - дейді құтқарушылар. - Шомылу маусымы басталғалы 28 адам суға батқан. Түсіндіру жұмыстарынан кейін құтқарушылар тұрғындарға судағы қауіпсіздік ережелері жазылған ескертпелерді таратты.

Осындай рейдті алдағы сенбі күні Дубығалы көлінде ("Окуньки" деген атпен танымал) жүргізу жоспарлануда.