Өскемен мен ШҚО ШҚО тұрғыны шегенің орнына тас сатып жіберген
Алаяқ сату өнерін керемет меңгерген көрінеді: құрылыс материалдарының қызметкері ретінде таныстырған 43 жастағы ер адам шегенің орнына екі қорап... тас сатып жіберген
Ал шеге сатып аламын деп барған 29 жастағы жігіт тас толтырып салынған қорапқа қалай тап болғанын өзі де білмей қалған. Жігіт бірден Семей қалалық ішкі істер бөліміне арыз жазып, алаяқтық жайында шағым берген.
- Зардап шегушінің сөзіне қарағанда, ол екі қорап шегені 8 мың теңгеге сатып алған. Үйге әкелген "шеге" толы қорапты біраз күннен кейін ашып қараса, ішінде тас салынған болып шыққан, - дейді ШҚО ІІД.
Полиция қызметкерлері жедел әрекетке көшіп, екі күннің ішінде "сатушыны" тауып алған.