Өскемен мен ШҚО Өскемен-Тәртіп ҰОС ардагерлерінің ескерткіштеріне күтім жасайды
Мекеме өзінің Instagram әлеуметтік желісіндегі парақшасында атқарған жұмыстары жайлы суреттер мен бейнеесептерді жариялап жүр
Мәселен, кеше Өскемен-Тәртіп қызметкерлері ҰОС ардагерлеріне арналған монумент маңайын тазартқан.
- Біз бұл орынды күнделікті жинаймыз, - дейді мекеменің баспасөз хатшысы Әсел Ахметжанова. - Тас төсеуіштерді сыпырып, ескерткіштерді жуамыз, мүмкіндігінше газонды да қырқамыз.
Оның сөзіне сүйенсек, аумақты аса лас деп айтуға келмейді. Тек талдан түскен жапырақтарды уақытылы жинап отырса, жеткілікті.