Өскемен мен ШҚО Өскемен полицейлері ұрланған көлікті 10 минутта тапты
Өскеменнің тәртіп сақшылары ұрланған көлікті 10 минуттың ішінде тауып алған
Кеше кешке 42 жастағы өскемендік тұрғын келіп, Toyota Land Cruiser маркалы көлігін ұрлатып алғанын айтқан.
Тәртіп сақшылары жедел қимылға басып, көліктің ұрланғаны жайлы ақпаратты барлық бекеттерге жіберіп, небары 10 минуттың ішінде джиптің қайда екенін тауып алған. Ол Қабанбай батыр көшесі маңынан табылған.
- Полиция лейтенанты Рүстем Имамбаев пен Қайрат Елубаев бағыттамаға сай көрсетілген көлікті көріп қалып, оның ізіне түскен. Күдікті Киров көшесіне бұрылып, аулауға кіріп жасырынбақ болған. Алайда бетон жиектастың үстімен өтпек болған күдікті көлікті тоқтатып алған. Полицейлер 20 жастағы жігітті ұстады, - дейді ШҚО ІІД.
Тергеу кезінде белгілі болғандай, құқықбұзушы көлікті есігін ептеп ашып, ішінде жатқан қосымша кілтті алып, айдап кеткен.
Көлік иесі 2 млн теңге материалдық шығын талап етіп отыр.
