Өскемен мен ШҚО Әлеуметтік желіде Qazkom мен Halyk банкоматтары жұмыс істемейді деген хабарлама тарауда
Банк қызметкерлері бұл хабарламаны ң жалған екендігін айтты
Әлеуметтік желідегі хабарламада 25-29 шілде күндері Qazkom мен Halyk банктерінің бірігуіне байланысты қос банктің банкоматтары жұмыс істемейтіндігі, сондықтан тез арада қаражатты шешіп алу керектігі айтылған. Алайда банктің баспасөз қызметі бұл ақпараттың жалған екендігін айтып отыр.
- Жалған ақпараттарға арандап қалмаңыздар, тек ресми ақпаратқа ғана сеніңіздер. Банк қызметкерлері өзгерістер жайлы міндетті түрде хабар тарататын болады, - делінген банктің ресми хабарламасында.
Баспасөз қызметі екі банктің шілденің аяғына дейін бірігіп бітетіндігін әрі мұның банктің жұмысына еш әсері болмайтындығын мәлімдеді.