Өскемен мен ШҚО Облыстағы жол жөндеу жұмыстары созылып кетті
Зырян ауданында 20 тамызға дейін жолдарды абаттандыру және жөндеу жұмыстары аяқталып қоюы керек
Соңғы 25 жыл бойы аудан жолдары жөндеу көрмеген. Биыл жол жөндеу жұмыстарына қомақты сома бөлініп, жұмыстың жартысы аяқталып қалды. Бірақ облыс басшысы мердігерлерге жұмысты тезірек бітіруге тапсырма берді.
Жалпы бұл жұмыстарға 311 млн теңге бөлінген болатын. Қазіргі уақытта 810 млн теңгесі игеріліп, Рудная, Горький және Жақсыбаев көшелері жөнделген.
Ал билік жоспар бойынша тоғыз көшені жөндеуден өткізбек. Ал қалған көшелердегі жұмыстар байқау үрдістеріне байланысты енді ғана басталып отыр.
- 20 тамызға дейін барлық жұмыстар аяқталуы керек, - деп ескертті мердігерлерге облыс басшысы Даниал Ахметов. - Неге бөлінген қаржы игерілмей жатыр? Жаз болса аяқталуға таяп қалды. Сапалы жасалған жұмыстың нәтижесін байқамай отырмын. Мердігер компаниялар тапсырылған жұмыстарды өз мерзімінде аяқтауы керек.
