Өскемен мен ШҚО Тәртіп сақшылары суицидтің алдын алды
Өскемен қаласының тұрғыны Үлбі көпірінен секіріп, өмірмен қош айтыспақ болды
Әлеуметтік желі қолданушылары Астана мен Крылов көшелерін қосып тұратын көпірден секірмек болған әйелдің әрекетін қызу талқыға салуда.
- 14 шілде күні "102" арнасына белгісіз біреуден әйел адамның өз-өзіне қол салмақ болып жатқандығы туралы хабарлама түскен, - деп хабарлайды Өскемен қалалық ІІБ баспасөз қызметі.
Үлбі көпіріне жақын маңдағы жол-патрульдік полиция қызметкерлері аттанды. Тәртіп сақшылары жеткен уақытта азаматша көпір жақтауынан ары өтіп, секіруге ниеттеніп тұрған. Ал оны сөзге айналдырып тұрған кіші сержант Рустам Агибаев пен кіші сержант Жасұлан Бекболатұлы жаймен жақын келіп, қолынан тап беріп, алып шыққан.
Қазіргі таңда осы іске қатысты тергеу амалдары жүріп жатыр. Әйел адамды өмірден түңілдіруге не себеп болғаны анықталуда.
Следующая →
