Өскемен мен ШҚО Өскемендегі хирургтерге итальяндық құралдар сыйлады
Өндіруші компаниялардың бірінің директоры Ана мен бала орталығының дәрігерлеріне хирургиялық жабдықтар сыйға тартқан
Италиядан әкелінген құралдардың ерекшесілігі – олар әр түрлі елдегі хирургтардың пікірі мен қалауын ескере отырып жасалған.
- Біздің өнімдер тәжірибелі дәрігерлердің талап-тілектерін ескере отырып, жоғары сапалы неміс болатынан жасалады, - дейді Simesurgical медициналық құралдары жасайтын компания директоры Фабио Помпили. - Біздің мақсат – тек тауарды сату емес, дәрігерлер бізді серіктес ретінде көрсе дейміз. Біздің өнімдерді сатып алуға міндеттемейміз, тек оларға қажеттіні сатамыз.
Айта кетейік, осыдан екі жыл бұрын Италияның Удине қаласының хирургтары аталмыш компания құралдарымен Шымкенттегі әріптестерімен бірлесіп ота жасаған болатын. Ал компания өкілдерінің бұл жолғы Өскеменге сапары екі жақты серіктестікті нығайтуға қадам болып табылады.
