Өскемен мен ШҚО Ресей азаматы ШҚО-дан заңсыз зейнетақы алып тұрған
Ресейге көшіп кеткен Бородулиха ауданының тұрғыны жеті жыл бойы Ресейден де, Қазақстаннан да зейнетақы алып отырған
Бородулиха ауданының тұрғыны Ресей азаматтығын алып, 2008 жылы зейнетке шыққан. Үш бойы Ресейден зейнетақы алып отырған. Ал 2011 жылы Қазақстанда зейнетақы алуға болатын жасқа жетіп, оған да құжаттарын тапсырған. Құжат тапсыру кезінде көрші елдің азаматы екендігін әрі онда да зейнетақы алатындығын жасырып қалған.
Жеті жылдың ішінде зейнеткер Қазақстаннан 6 млн теңгенің шамасында қаржы алған. 65 жастағы зейнеткер өз кінәсін толық мойындап отыр.
- Өз кінәсін шынайы мойындағандықтан, күдіктіге бес жыл бас бостандығын шектеу жөнінде жаза берілді, - дейді Бородулиха аудандық сотының баспасөз қызметі.
