Өскемен мен ШҚО Өскеменде трамвай аялдамалары өзгеруі мүмкін
Жүргізушілер трамвай аялдамаларының дұрыс орналаспағанын айтып, мәселе көтерген
Жолаушылар трамвайға отыру үшін көлік жүретін жолды кесіп өтіп барады. Ал бұл көлік апатын жиілетуі мүмкін.
Сондықтан жолда зардап шегушілердің санын азайту үшін қоғамдық кеңес кейбір трамвай аялдамаларын ауыстыруды ұсынды. Мәселен, "Темірлан" сауда үйі алдындағы аялдаманы "Даниель" СҮ алдына әкелуге болады. Қазір бұл маңда жер үсті көпірін салу жұмыстары жүргізіліп жатқандықтан, әзірше трамвай аялдамаларын ауыстыру мүмкін емес.
Алайда басқа жердегі трамвай аялдамаларын ауыстыра беруге болады.
Мәселен, "Нан зауыты" мен Металлургтер мәдениет сарайы маңындағы аялдамаларды Ворошилов-Гоголь көшелерінің қиылысынан ары таман, 50 метр қашықтыққа ары қарай жылжыту керек. Ал " Казгипроцветмет" аялдамасын Жедел жәрдем ауруханасы маңына жылжытуға болады.
