Өскемен мен ШҚО Қызғаншақ жігіт ашуын бәсекелесінің көлігінен алды
Өскемен қаласының тұрғыны түннің ортасында сүйіктісінің жаңа жігітінің көлігінің терезесін шақты
Сенбі күні Өскемен қалалық Шұғыл басқару орталығына 23 жастағы облыс тұрғыны хабарласқан. Ол қызының бұрынғы жігіті көлігінің терезесін шағып кеткенін хабарлаған.
Криминалды полиция қызметкерлері учаскелік полициямен бірлесіп, күдіктіні қолға түсірді. 22 жастағы күдікті Мерседестің терезесін шағып кеткенін мойындаған. Айта кетейік, шет ел көлігінің әйнегі 350 мың теңге тұратын көрінеді.
Өскемен қалалық ІІБ баспасөз қызметінің мәліметтеріне сүйенсек, сотқа дейінгі тергеу басталды.
