Өскемен мен ШҚО Ауыр апаттан төрт адам қаза тапты
Көкпекті ауылынан 25 шақырым жерде Омбы-Майқапшағай тас жолында ауыр апат орын алды
Қарсы келген екі көліктің соқтығысуынан екі жүргізуші, екі жолаушы көз жұмды.
- Тассай ауылынан Көкпектіге қарай бет алған 28 жастағы "Лада-21705" автокөлігінің жүргізушісі көлік тізгініне ие бола алмай, қарсы жолаққа шығып кеткен. Осылайша қарсы келе жатқан "Лада-21154" көлігімен соқтығысқан, - деп хабарлайды ШҚО ІІД баспасөз қызметі. - Апат салдарынан екі жүргізуші мен "Лада-21154" көлігінде отырған екі жолаушы оқиға орнында қаза тапты.
Екі көліктің өзге алты жолаушысы түрлі жарақаттармен ауруханаға жеткізілді.
