Өскемен мен ШҚО Жамбыл атындағы саябақта граффити салуға болады
Бұл маңда ауқымды құрылыс жұмыстары жасалуда: тұрғындардың жүруіне біраз қолайсыз болуы керек
Мұнда жаңа орындықтар мен тренажер жабдықтары, қоқыссалғыштар мен шамдар орнатылып, саябақ қабырғалары граффитимен сәнделмек, деп хабарлайды Устинка LIVE.
- Ал жарықтандыру құрылғыларын орнату үшін жұмысшылар ор қазып, сым темірлерді көміп жатыр. Жаңа жерлерге орындықтар мен қоқыссалғыштар орнастырылады. Саябақтың алды боялады. Қазір жұмысшылар жануарлар саябағы маңында абаттандыру жұмыстарын жасауда, - дейді ШҚО қорық-мұражайдың баспасөз қызметі.
Саябақ басшылығы қабырғаны сәндеу үшін қала тұрғындарынан да көмек сұрап отыр. Граффити суреттер сала алатын жандар саябақ қабырғаларына келіп өз туындыларын бейнелесе болады.
- Суретшілер мен студенттерді, жоғары оқу орындары мен кәсіптік білім беру мекемелерінің оқытушыларын, өнер ұжымдарын, саябақ қабырғасына сурет салуға шақырамыз. "Рухани жаңғыру" бағдарламасы аясында өңірдің тарихы мен мәдениетін, киелі орындары мен табиғатын паш ететін суреттер салуымыз қажет, - дейді баспасөз қызметі.
Ал сурет салуға қажетті бояу мен материалдары мұражайдың өзі береді. Сурет эскиздерін Головкова көшесі, 29-үйінде орналасқан мұражай ғимаратына әкеліп беруге болады. Телефоны: 26-88-02.
