Өскемен мен ШҚО Алакөлге дейін енді пойызбен баруға болады
Өскеменнен шыққан пойыз Алакөлге дейін 17 сағат жүріп барады, ал бағасы 3 мың теңгеден аспайды
Өскемен мен Жалаңашкөл бекеттеріне қатынайтын пойыз аптасына үш рет жүреді, деп хабарлайды Устинка LIVE.
Ал Жалаңашкөл станциясынан Алакөлге дейін таксимен не автобуспен бір сағаттың ішінде баруға болады.
- Облыста Алакөлге қатынайтын мұндай пойыз бұрында болмаған, бірінші рет. Пойызға 260 адам сыяды. Бір күн араға салып жүріп тұрады. Ал 23 маусым күні Семейден Жалаңашкөлге пойыз қатынайтын болады, - дейді ШҚО Туризм және ішкі байланыс басқармасының басшысы Жасұлан Сәрсебаев.
Билеттің бағасы – 2800 теңге.
Пойыздың графигін басқарманың ресми сайтынан көруге болады.