Өскемен мен ШҚО Салық төлемеген шығысқазақстандықтар елден шыға алмайды
Мемлекеттік кірістер департаменті салықты уақытылы төлемеген борышкерлерге айып салынатындығын ескертеді
Салық қарызын ҚР ҚМ Мемлекеттік кірістер комитетінің сайтынан біліге болады.
Жер мен мүлік салығын 1 қазанға дейін, көлік құралдарына 31 желтоқсанға дейін салық төлеу керек. Егер қарыз көлемі 20 АЕК-дан асса (48100 теңге), жеке тұлғаларға сот шешімі рәсімделеді.
- Бұл нормалар сот орындаушылардың заңнамасымен реттеледі, - деп түсіндірді мекеме мамандары. - 30 күннің ішінде қарызын өтемегендердің, тіпті, мүлкі тәркіленеді.
ҚР Әкімшілік құқықбұзушылықтар жөніндегі Кодекстің 288-бабына сай, салық төлеуші шарттарды орындамаған жағдайда алдымен ескерту жасалады, оған көнбегендерге 15 АЕК көлемінде айыппұл салынады. Одан өзге, борышкерлерге уақытша Қазақстан шекарасынан шығуға тыйым салынады.
