Өскемен мен ШҚО Сібеде шомылу маусымы ашылды
Сібенің үшінші көліне орналасқан, былтыр ашылған Sibiny family resort отбасылық жағажайында биыл жаңа көңіл-көтеру орындары ашылмақ
Жағажай қазір ашық, демалушылардың келіп шомылуына болады. Ұлан ауданы әкімдігінің хабарлауынша, жағажайда футбол мен волейбол ойнағысы келгендерге тосын сый бар.
Курорт маңында балалар алаңы да салынған.
- Демалыс сайын түрлі көңіл-көтеру бағдарламаларын ұйымдастыратын боламыз. Концерт, биі кеші болады, - дейді Ұлан ауданының әкімі Н.Сақтағанов.
Муниципальды жағажайға демалыс күндері автобекеттен арнайы автобус қатынайды. Автобус таңғы сағат 8.00-ден бастап жүре бастайды.