Оқушы ШҚО әкіміне шахмат сыныбын ашуды ұсынды

Облыс әкімі Даниал Ахметовпен өткен кездесуде 50 дарынды оқушы өздерін қызықтырған сауалдарын қойып, өз ойларымен бөлісті.

Ал семейлік Арыстан Исанжулов облыста шахмат сыныптарын ашу туралы ұсыныс тастады.

- Маған бұл ой ұнап отыр, - деп жас зияткердің ұсынысына қолдау білдірген аймақ басшысы жауапты мекемелерге осы сұрақты талқылауды тапсырды.

Айта кетейік, Арыстан Исанжулов 11 жасында шахматтан бірінші разрядқа, ал үш жылдан кейін өз жасындағылар арасында өткен әлемдік чемпионатта 1-ші орынға ие болған.