Танымал суретшілер Өскеменде шеберлік сыныбын өткізді

Бүгін Шығыс Қазақстан облыстық өнер мұражайында "Алтай – Қазақстанның Жауһары" атты көрменің салтанатты ашылуы болды, деп хабарлайды Устинка LIVE.

- Жиырма суретші 4-12 маусым күндері Ұлан ауданының "Көк-Тау" демалыс орнына табиғат көрінісін сомдауға барып қайтты. Астана, Алматы, Павлодар, Қарағанды, Өскемен, Семей қалаларының суретшілері графика жұмыстарына арналған этюдник және планшеттерімен Жоғарғы Тайынты, Шыбынды көлінде болды, - дейді Өнер мұражайының маманы Шынар Еңсебаева.

Маманның айтуынша, бұл шара тұрғындардың табиғат пен өнерге деген сүйіспеншілігін ояту үшін, жас суретшілерге қолдау білдіру үшін ұйымдастырылып отыр.