Өскемен мен ШҚО Құтқарушылар тұрғындар арасында викторина жүргізбек
Құтқарушылар ұйымдастырғалы отырған "Қауіпсіз жағажай" акциясына кез келген адам қатыса алады
Шара 15 маусым күні сағат 15.00-де Октябрь демалыс орнында өтеді. Өскемен қаласы төтенше жағдайлар басқармасы тұрғындардың суда жүзу ережелерін қаншалықты меңгергенін тексеріп көрмек, деп хабарлайды Устинка LIVE.
Викториналық сұрақтарға дұрыс жауап бергендерге сыйлық берілсе, жауап бере алмағандар құмға "көміледі".
- Акцияның мақсаты – тұрғындарды жағажай маңында қауіпсіздік шараларын жасауға шақыру, - дейді Өскемен ТЖБ.
Басқарманың мәліметтеріне жүгінсек, облыста шомылу маусымы басталысымен-ақ бес адам суға кетіп қайтыс болған. Оның біреуі – бала. Ал былтыр 46 адам суға батып көз жұмған еді.
