Өскемен мен ШҚО Бала мен ананы құтқару үшін мұздай суға лап қойған...
Ертең Өскемен қаласында өзгелердің тағдырын құтқару үшін өз өмірін қатерге тіккен азаматтар марапатталады
ҚР Мемлекеттік рәміздерінің 20 жылдығына орай, "Нұрлы жол" паркінде дәстүрлі мерекелік шара өтеді. Ал қала әкімдігі мен облыс әкімшілігі бұл күні өзгенің өмірін сақтап қалуға атсалысқан қаһармандарды марапаттайды.
Өскемен қаласында мұндай қаһармандар көп екен. Биыл "Бейбіт күннің батырлары" атты номинациямен 17 адам марапатталмақ. Оның жетеуі – өзгенің өмірін сақтап қалған жандар.
Мәселен, Виталий Бақтыбаев 24 сәуір күні Ертістің мұзды суына кеткен ана мен баланы құтқарып қалу үшін ойланбастан көмекке жүгіріп, сәбиді де, ананы да құтқарып қалған. Ал Павел Качесов болса,балкон арқылы жанып жатқан пәтерге кіріп, көршісін құтқарса, Александр Попов бес жасар баланы жалыннан алып шыққан. Ұлттық ұланның төрт сарбазы қолына суық қару алған қылмыскердің қақпанынан жас қызды құтқарып қалған.
Марапаттау шарасы сағат 8.00-ден басталады.