Қарны ашқан ұры азық-түлікті ұрламақ болған

Ер адам түннің ортасында шағын базардың терезесінен кіріп, ұрлық жасаған

Түнгі сағат 3.30 -да "102" арнасына күзет агенттігі операторынан хабарлама түскен. Онда Тәуелсіздік даңғылындағы шағын базарға ұры кіріп кеткені айтылған.

Полиция қызметкерлері оқиға орнына жеткенше ұры азық-түлікті алып, шығып үлгерген. Алайда бейнебақылау камераларының көмегімен 42 жастағы ұры қолға түсті. "Ұрлық жасау" бабы бойынша оған қатысты қылмыстық іс қозғалды.