Ауыз суын зарарсыздандырудың жаңа тәсілі енгізілмек

Жергілікті су құбырын жыл сайын сәуір мен қазан аралығында тазартып отырады. Егер қажет болса, қысқы маусымда да тазартылады. 

- Ауыз суының сапасына бақылау жүргізіледі, - дейді су құбыры мекемесіндегілер. - Су сапасы санитарлық нормаларға толығымен сәйкес келеді. Сондықтан да тазарту үшін суды тоқтатудың қажеті жоқ.

Өскемен қалалық су құбыры мекемесінің өкілдері айтқандай, ауыз суын зарарсыздандыру қазіргі таңда күн сайын литріне 1 мг хлор пайдалану арқылы жүреді. Жаздан бастап жаңа тазарту әдісі сыналмақ – ультракүлгіннің көмегімен.