Мектеп оқушылары үшін соңғы қоңырау соғылды

Жаңбырлы суық ауа райына қарамастан, ақ көйлек, қара галстукты ұлдар мен ақ бантик таққан қыздардың көңілдері көтеріңкі. Өйткені бүгін дәстүрге сай соңғы қоңырау үні сыңғырлады. Тек түлектердің көңілдерінде сәл қобалжу байқалады. Өйткені оларды алда үлкен сынат - ҰБТ күтіп тұр.

- 11-сынып түлектері бітіру сынақтарын 29 мамыр мен 9 маусым аралығында тапсырады, - дейді ШҚО Білім басқармасы басшысының м.а. Сайрангүл Жұмаділова. - Ал тоғызыншы сыныптардың емтихандары 28 мамыр мен 8 мауысм аралығында.

Түлектердің бітіру кештері 15 маусым күні өтеді. Білім және ғылым министрлігі бітіру кештерін былтырғыдай мектеп қабырғасында өткізуді ұсынады. Облыстың барлық мектептері бұл туралы хабарлама алды.