Өскемен мен ШҚО Семейде тұрғындары арызданған ауруханалар тексерілді
ҚР Мемлекеттік қызмет істері жөніндегі агенттігі медициналық мекемелерді тексерді
Агенттік қызметкерлері Мичурин көшесінде орналасқан Жедел жәрдем ауруханасы мен Есту қабілеті бұзылған балаларға арналған мектеп-интернатты, Мамандандырылған ХҚКО-ын тексеріп қайтты.
- Бұл мекемелерде қызметтің қалай жасалатындығы аз тексерілген. Сондықтан бардық. Мәселен, Семей қаласының тұрғындары медициналық қызметтің дұрыс жасалмайтындығын айтып көп шағымданады, - дейді топ төрағасы Айгүл Соловьева.
Комиссия мүшелері ауруханалардың дәрі-дәрмекпен қамтылу жағдайын сұрастырумен болды. Ал семейлік дәрігерлер дәрілердің жеткілікті екендігін айтады.
Тексеруші топ Жедел жәрдем ауруханасының қызмет көрсетіліміне оңды көзқарас білдірді.
Ал мектеп-интернатты тексерген мамандар ғимараттың салқын екендігін айтып, кінәрат тапты. Мекеме директоры бұл мәселенің шешіліп жатқанын айтқан.
Ата-аналар мекеменің дұрыс тамақтандырмайтынын айтып көп шағымданған болатын. Сондықтан тексеріс тобы мекеменің тамақтандыру жағдайына көп мән берді.
- Біз СЭС ұсынған стандарттар бойынша тамақтандырамыз. Егер бір бала күніне 10 грамм еттен артық ет жемеу керек деген болса, онда біз одан артық ет қосылған тағамды бере алмаймыз, - дейді Сауле Валиуллина.
