Алакөл жағасына заманауи сәулет нысандары салынады

Облыс әкімшілігі Алакөл жағасын абаттандыруға бел сыбана кірісіп кеткені белгілі. Алакөлдің суын емдік жағынан өте пайдалы екендігі анықталған соң, бұл маңайға демалушылар да ағыла бастады. Ал әкімшілік жағалау маңын барынша жайлы, ыңғайлы етуге тырысуда.

- Биыл жағалау маңына шағын орындық-скамейкалар, күрке, шатырлар орнатамыз. Бұл нысандар оңай алынып қойылады. Маусым аяқталған соң, жинап алып, ендігі жылы тағы да орнатамыз, - дейді ШҚО Туризм және ішкі байланыс басқармасының басшысы Жасұлан Сәрсебаев.

Туризм басшысы Алакөлдің адам көп қаптайтын жерлеріне тегін Wi-Fi орнатылатындығын де еске салды.