Семейдегі өрт өрши түсті

Өрт кеше кешке Қызыл кардон кентіндегі орманда шыққан. Жергілікті тұрғындар жалын тұрғын үйлерге жете ме деп қауіптенген болатын. 

- Жағдай әзірге еш өзгеріссіз қалып отыр, тілсіз жауды ауыздықтау мүмкін болмай отыр, - ШҚО ТЖД баспасөз қызметі. - Шамамен, өрт алаңы 100 гектар. Өрт сөндірушілер өрт ауданын жан-жақтан қоршап, оның жайылып кетпеуін қадағалауда. Қазір оқиға орнында 224 адам, ұшақ пен су тасушы көлік жұмыс жүргізуде.

Мамандар тұрғындарға алаңдайға еш негіз жоқтығын ескертеді. Өйткені өрт ну орманның ішінде қаулауда және жер үйлерге шығуға мамандар бөгет жасауда.