ШҚО-дағы ірі өрт коттедж үйлерге жақындап қалды

Семейдегі өрт сөндірушілер Қызыл Кордон кентіндегі өртпен күресуде. Ал жергілікті тұрғындар өз үйлері үшін алаңдаулы

Өрт бүгін орман аймағында шыққан. ШҚО ТЖД ақпараттарына сүйенсек, Семей қаласының өртке қарсы гарнизоны дабыл бойынша жұмылдырылды.

Куәгерлердің айтуынша, жел қатты соқса, тілсіз жау тұрғын секторға дейін жетуі мүмкін.

Құтқарушылар тілсіз жаумен күресуге барлық күш жұмылдырылғандығын айтып, сендіруде. Орман патрулі, Семей өрт сөндіру бөлімінің екі автоцистернасы жұмылдырылып, оған тағы төрт өрт сөндіру көлігі көмекке шықты.

- Әуеден ұшақпен бақылау жүргізіліп, өрттің сөндірілуі барлануда, - дейді ШҚО ТЖД баспасөз хатшысы Анастасия Скляр. – Жалынның тұрғын үй секторларына жетпеуі үшін барлық жағдайлар жасалуда.

Тақырыптар: Что горит в Семее Лесной пожар в ВКО Пожары в ВКО