Өскемен мен ШҚО Жаяу жүргіншілер жолында жапа шеккен семейлік тұрғын компаниядан өтемақы өндіріп алды
Семейдің қалалық соты жол-көлік оқиғасынан аздап жарақат алған тұрғынның ісін қарап, оны қанағаттандырды
Семей қаласының тұрғыны Lada көлігін мінген күзет агенттігінің жүргізушісі жаяу жүргіншілер жолында қағып кеткенін айтып, сотқа арызданған.
- ҚР Жоғарғы Сотының қаулысы бойынша, кәсіпорын өзінің мүддесі үшін қызметкеріне қызметтік көлік беріп, оның қауіпсіздігіне де жауап беруі тиіс, - дейді Семей қалалық сотының баспасөз қызметі.
Мамандандырылған әкімшілік сот көлік жүргізушісіне 34 мың теңге айыппұл салып, жүргізуші куәлігінен бір жылға айырған.
Одан бөлек, күзет компаниясына жапа шеккен тұрғынға 200 мың теңге өтемақы төлеу туралы шешім шығарған.