Өскеменде мектеп-интернат өртенді

Өрт Сатпаев даңғылындағы спортпен шұғылданатын дарынды балаларға арналған мектеп-интернатының екінші қабатында шықты.

Жатын бөлмедегі терезе блогының пластик материалы өртенген.

- №3 өрт сөндіру қызметі 30 адамды құтқарды. Оның ішінде 17-сі балалар, - деп хабарлайды ТЖБ баспасөз қызметі. - Ешкім зардап шеккен жоқ. Өрт себебі анықталып жатыр.

Өртті жоюға жеке құрамның 8 мүшесі және үш техника жұмылдырылды.