Облыста көрген нәрсесін ұрлай беретін ұры ұсталды

Олар Семейдің бір тұрғынының жеміс-жидектерін ұрласа, екіншісінің терезесі мен теледидарын, ал шемонаихалық тұрғынның алтын бұйымдарын қолды қылған.

Семейде тұратын тыл ардагері 5 мамыр күні тәртіп сақшыларына хабарласып, жертөледе жатқан екі литрлі 15 банк тұздалған жеміс-жидек пен 2 шелек картоптың жоғалғанын айтқан.

Ал ертеңінде тағы бір семейлік тұрғын теледидарының қолды болғанын хабарлаған.

- Ұсталған ұры бұрын да сотты болған. Знаменка кентінің 25 жастағы тұрғыны. Сотқа дейінгі тергеу амалдары басталды, - дейді ШҚО ІІД баспасөз қызметі.

Ал Жеңіс күні полиция бөлімшесіне жергілікті кәсіпкерлердің бірі келіп жүгінген. Ол бағасы 450 мың теңге тұратын алтын бұйымының жоғалып кеткенін айтқан.

- Жедел іздестіру тобы 33 жастағы күдіктіні ұстады, - дейді мекеме.