Өскемен мен ШҚО Өскеменде "мұражай түні" өтеді
Дәстүрге айналған шара биыл 16 мамыр күні өтеді
Бұл күні Өскемен қаласындағы мұражайлардың барлығы мерекелік шаралар өткізеді. Бірі көрме ұйымдастырса, бірі қойылым қояды, ата-баба дәстүрін көрсетеді.
Бұл күні сағат 19.00-де "Жастар" саябағында "Алтай" қазақ халық ансамблі мен "Бастеньки" фольклорлық ансамбінің, "Русская песня" зорының қатысуымен концерт басталады. Қолөнер шеберлерінің жәрмеңкесі де осында ұйымдастырылады. Ал қазақ жазушылары үйінде сағат 19.00-де "Шабыт" студенттер театрының М.Мақатаев, О.Бөкеев шығармаларына негізделген қойылымдары шымылдық ашады. Марал өсірушілердің үйінде сағат 20.00-де орыс халық фольклорлы-этнографиялық бағдарламасы басталады.
Қасым Қайсенов көшесі, 67-үйде орналасқан мұражай-қорықта да үлкен шаралар өтеді. Мұнда балаларға да, ересектерге де арналған шеберлік сыныптары, көрмелер өтеді.
