Өскемен мен ШҚО 
ШҚО тұрғыны өрт сөндірушілерге кеш хабарласып, көз жұмды
Глубокое ауданының тұрғыны бүгін түнде сағат 01.00-лерде өрт сөндірушіге хабарласқан
Прапорщиково ауылындағы жер үйдің өртеніп жатқанын ешкім де байқамаған. Ал өрт сөндірушілер келгенше, жер үй мен қора-қопсасы түгелдей өртке оранған. Газ баллоны жарылып, жер үйдің жартысы құлап қалған. Ал өрт сөндірушілер өртенген үйдің ішінен 63 жастағы әйелдің мәйітін тапқан.
- Егер үйдің өртеніп жатқанын көрсеңіз, бірден құтқару қызметіне "101" немесе "112" нөміріне хабарласыңыз. Себебі төтенше жағдай кезінде әрбір секунд құнды, - дейді ШҚО ІІД.