Өскемен мен ШҚО ШҚО тұрғындары: үйлер су тасқынына дейінгі кейіптен әлдеқайда жақсарып қалды
Зырян мен Глубокое аудандарында су тасқынынан зардап шеккен үйлер әлі де жөнделіп жатыр
Ал облыс әкімі Даниал Ахметов екі ауданға тағы да сапар шегіп, үй жөндеу жұмыстарының қалай жүріп жатқанын біліп қайтты.
ШҚО әкімі баспасөз қызметі хабарлағандай, Глубокое мен Зырян ауданының тұрғындары биліктің жасап жатқан көмегіне дән риза, ал кейбірі үйлерінің су тасқынына дейінгі кейіпінен әлдеқайда жақсарып қалғанын айтуда.
- Қолдау танытқандарыңызға мың да бір рахмет. Жөндеу жұмыстарын аз-ақ уақытта бітірдіңіздер. Үй жөндеуге керек материалдарды өзім таңдадым, - дейді Зубовск кентінің тұрғыны Людмила Борзенко.
Қазіргі уақытта Глубокое ауданында үй жөндеу жұмыстарына 110 млн теңге шамасында қаржы жұмсалған. Елу үй жөнделіп біткен, тағы 98 үйге жөндеу жасалуда.
Зырян ауданында 60 үй апаттық жағдайда. Сондықтан бұл ауданның 29 отбасына үй сатып алынады.
